የሀይማኖት አባቶች ከኦነግ አመራሮች ጋር ተወያዩ
አርትስ ታህሳስ 19 2011
በኦሮሚያ የተለያዩ አካባቢዎች ግጭቶች እየተበራከቱ ዜጎችን ለሞት እና ለመፈናቀል እየዳረጉ መሆኑን ተከትሎ ለዚህ መፍትሄ መስጠት የውይይቱ ዋና አላማ ነው ተብሏል፡፡
በውይይቱም አቶ ዳውድ ኢብሳን ጨምሮ ከተለያዩ ሃይማኖቶች የተወጣጡ የሀይማኖት መሪዎች እና የሀገር ሽማግሌዎች ተሳታፊ ነበሩ፡፡
የኢትዮጲያ ሀይማኖት ተቋማት ዋና ፀሃፊ መጋቢ ዘሪሁን ደጉ እንደተናገሩት የኦነግ አመራሮች እና አባላቶቹ ከወራት በፊት ወደሀገር ውስጥ ሲገቡ የክልሉ ህዝብ እና ኢትዮጲያዊያን በደስታ ነበር የተቀበሏቸው፣ ሆኖም ግን ብዙም ሳይቆይ በክልሉ አለመረጋጋት እና የሰላም እጦት ተከስቶ ዜጎች እየተጎዱ በመሆኑ ጊዜ የማይሰጠው ጉዳይ ነው ብለዋል፡፡
በቀጣይም ከሌሎች ጉዳዩ በቀጥታም ሆነ በተዘዋዋሪ ከሚመለከታቸው አካላት እና የሀገር ሽማግሌዎች ጋር ውይይት እንደሚደረግ ተነግሯል፡፡
