በበርካታ የአውሮፓ ስታዲየሞች ለሚካሄደው የዩሮ 2020 ውድድር ተካፋይ ለመሆን፤ የምድብ ሁለተኛ የማጣሪያ ግጥሚያዎች መካሄዳቸውን ቀጥለዋል፡፡
ትናንት ምሽት ምድብ C ላይ ጀርመንን አምስተርዳም ላይ ያስተናገደችው ኔዘርላንድስ የ3 ለ 2 ሽንፈት ገጥሟታል፡፡ ከምድቡ ሰሜን አየርላንድ ቤላሩስን 2 ለ 1 በመርታት ምድቡን በስድስት ነጥብ መምራት ጀምሯል፡፡
በሪያን ጊግስ የምትሰለጥነው ዌልስ ምድብ E ላይ ስሎቫኪያ 1 ለ 0 ስታሸንፍ፤ ሀንጋሪ ክሮሽያን 2 ለ 1 ድል በማድረግ ገራሚ ውጤት አስመዝግባለች፡፡
በምደብ G የሮበርት ሉዋንዶውስኪዋ ፖላንድ ሜዳዋ ላይ ላቲቪያን 2 ለ 0 ስታሸንፍ፤ እስራኤል በኦስትሪያ ላይ የ4 ለ 2 ድል ተቀዳጅታለች፤ ስሎቬኒያ ከ ሜቄዶኒያ በ1 ለ 1 አቻ ውጤት ተለያይተዋል፡፡
በምድብ I ቤልጂየም ቆጵሮስን በሃዛርድ እና ባትሹዬ ግቦች 2 ለ 0፤ እንዲሁም ስኮትላንድ ሳን ማሪኖን በተመሳሳይ ውጤት ሲረቱ ሩሲያ ካዛኪስታንን 4 ለ 0 ረምርማለች፡፡
ዛሬ ምሽት በርካታ የምድብ ማጣሪያ ጨዋታዎች ይከናወናሉ፡፡
ቀዳሚው ምድብ A ላይ በጋሪዝ ሳውዝጌት የምትመራው እንግሊዝ ወደ ደቡብ ምስራቅ አውሮፓ ተጉዛ በአመፅ ላይ የምትገኘውን ሞንቴኔግሮ ምሽት 4፡45 ላይ ትገጥማች፡፡ ኮሶቮ ደግሞ ቡልጋሪያን ከምድቡ ታስተናግዳለች፡፡
የማጣሪያ ውድደሯን በአቻ ውጤት የጀመረችው ፖርቱጋል እስታዲዮ ዳ ሉዝ ላይ ሰርቢያን ታስተናግዳለች፡፡
በአንድሬ ሼቪሼንኮ የምትሰለጥነው ዩክሬን ከሉክሰምበርግ ጋር ትፋለማለች፡፡
የዓለም ዋንጫው አሸናፊ ፈረንሳይ በስታዴ ደ ፍራንስ አይስላንድን ትገጥማለች፡፡
በምድቡ ቱርክ ከ ሞልዶቫ እና አንዶራ ከአልባኒያ ይገናኛሉ፡፡
